Optimistët shpresonin se Covid-19 nuk do të mbijetojë në nxehtësinë e verës. Sidoqoftë, këto shpresa janë zbehur. Virusi u shfaq edhe më i fuqishëm në Iran pavarësisht temperaturave të larta, dhe nuk ka problem të durojë edhe vapën e madhe të Singapurit.

Por çka to ndodhë me Covid-19, dhe neve, kur fillon shiu dhe moti i freskët, dhe nis gripi i vjeshtës?

Aq më shumë, si do ta kalojmë pandeminë e gripit të dimrit në mes të pandemisë së Covid-19? Një gjë është e sigurt.

“Mund të kemi valë të fuqishme të Covidit në vjeshtë”, thotë virologu Ab Osterhaus nga Qendra Hulumtuese për Infektimet e Reja në Hannover. Deri atëherë, ai shpreson se do të jemi më të aftë në trajtimin e rasteve të rënda, dhe shtetet do të mund të testojnë, gjurmojnë, dhe karantinojnë të gjitha rastet dhe kontaktet e tyre, dhe ta frenojnë virusin më mire se tani, shkruan The Guardian.

Ideja e një pandemie te gripit në mes të pandemisë së Covid-19 është tmerruese. Spitalet do të vërshohen.

Në mes të frikës se temperaturat e ftohta dhe qarkullimi i viruseve tjera do të rrisin përhapjen e koronavirusit, problemi i parë do të jetë të kuptuarit se cili pacient e ka gripin e rëndomtë e cili Covid-19, ngase simptomat fillestare janë të njëjta.

E panjohura tjetër është se çka bën Covid-19 në kombinim më viruset tjera. Çdo vjeshte kemi përhapjen e viruseve si Rhinovirusi, shkaktari kryesor i ftohjes. Por, shpesh shkakton edhe pneumoni tek të gjitha moshat.

Por ekziston një fenomen ende i pa hulumtuar mirë i cili quhet “pengesë virale”, me ç’rast derisa një lloj i virusit e kaplon një pjesë të popullatës, për arsye të panjohura virusi tjetër nuk arrin t’i infektojë.

Pyetja është nëse Covid-19 do të hyjë në këtë rregull, ngase jo secili virus funksionon në këtë mënyrë. Ndonjëherë mund të infektohemi më dy viruse përnjëherë. Mjekët në spitalet e Ëuhanit raportuan që në janar dhe shkurt të këtij viti, shumë pacientë kishin që të dy viruset, transmeton koha.

“Duhet të shpresojmë për më të mirën, por të jemi të gatshëm për më të keqen”, thotë Osterhaus.

Këshilla e vetme nga shkencëtarët është përgatitemi më mirë për gripin sezonal, për të cilin kemi vaksina dhe ilaçe./koha/